22 თებერვალს, მცხეთაში მრევლის იმხელა ნაკადს მოელოდნენ, რომ უსაფრთხოების ზომები ზედმეტად გაამკაცრეს. იმდენად ზედმეტი მოუვიდათ, რომ ხალხმა მცხეთაში შეღწევა უბრალოდ ვერ შესძლო. სამთავროს მონასტერთან მხოლოდ ისინი აღმოჩნდნენ, ვინც ქალაქში დილის 8 საათამდე შევიდა.
წმინდანის საფლავის გახსნას მხოლოდ ისინი დაესწრნენ, ვისთვისაც სპეცილაური საშვები გაიცა. საშვების მფლობელები სასულიერო პირები, მათი ახლობლები და მთავრობის წევრები აღმოჩნდნენ. არ დაუშვეს არც ჟურნალისტები. მამა გაბრიელის საფლავის გახსნის პროცესს, მხოლოდ საპატრიარქოს ტელევიზია ”ერთსულოვნება” იღებდა. ”მასალას დავამონტაჟებთ, კომისია განიხილავს და შემდეგ გავავრცელებთ”, მეუბნება საპატრიარქოს წარმომადგენელი.
ვინც წინა რიგებში ადგილი დილიდანვე დაიკავა , წმინდანის სასახლის გამოსვენება საკუთარი თვალით დაინახა. ”ისტორიულ ფოტოს ვიღებ”, მეუბნება 20 წლის გოგონა. მობილური ტელეფონით შეიარაღებული მრევლი ცდილობს მამა გაბრიელის გამოსვენება გადაიღოს, ეს ფოტო შემდეგ მეგობრებს და ოჯახის წევრებს რომ გაუზიაროს. საფლავის გახსნიდან რამდენიმე წუთში ხალხმა ჯგუფ-ჯგუფად შეკრება დაიწყო. მივუახლოვდი და აღმოჩნდა, რომ ერთმანეთს ახალ ამბავს ულოცავენ: ”მამა გაბრიელი გაუხრწნელია!”
ყველა გახარებულია! მიცვალებულის ფოტოს კი ერთმანეთს მობილურით აჩვენებენ. სიხარული იმდენად დიდია, რომ ეჭვი არავის შეაქვს, იქნებ ფოტო არ არის ნამდვილი? ან ვინ გაავრცელა? როდის?
სამთავროს მონასტრიდან წმინდა გაბრიელის ნეშტის სვეტიცხოველში გადასვენების შემდეგ, მცხეთის ცენტრში ეს რესტორანი სტუმრებს აღარ იღებს. სადილად შესულ ოთხ ტურისტს და სამ ქართველ ქალბატონს აღელვებულმა მენეჯერმა მოკლედ და უხეშად უპასუხა: ”შეკვეთას აღარ ვიღებთ, სტუმრებს ველოდებით!”. პარალელურად, მაგიდებს სწრაფად ასუფთავებს. ტურიტებიც სტუმრები არიან, მაგრამ ”ის” სტუმრები არა.
იქვე კიდევ ერთი რესტორანია. ტურისტებმა ახლა აქ გადაინაცვლეს, შესვლა უნდათ, მაგრამ კარი დაკეტილია. 5 წუთში გარეთ შავი ჯიპები მომრავლდნენ. 7 წუთში შინაგან საქმეთა მინისტრი გამოჩნდა და ჩაკეტილი კარი გაიღო. მერე ისევ დაიკეტა. ახლა მე ვცადე გაღება, მაგრამ ჩარაზული დამხვდა.
სამთავროს მონასტრის გარშემო ტერიტორია 5 წუთში დაცარიელდა, რადგან მამა გაბრიელი ახლა სვეტიცხოველში ესვენა. მრევლმა სვეტიცხოვლის შესასვლელთან გადაინაცვლა, წმინდანთან შეხებისა და ”სულის განწმენდის” სურვილით. აქაურობის ”განწმენდას” კი ქუჩის დამლაგებელი ბიჭი შეუდგა. საქმე ბევრი აქვს. აქ მოსალოცად შეკრებილმა ასობით მრევლმა ნაგავი ბევრი დაუტოვა!
წმინდანის საფლავის გახსნას მხოლოდ ისინი დაესწრნენ, ვისთვისაც სპეცილაური საშვები გაიცა. საშვების მფლობელები სასულიერო პირები, მათი ახლობლები და მთავრობის წევრები აღმოჩნდნენ. არ დაუშვეს არც ჟურნალისტები. მამა გაბრიელის საფლავის გახსნის პროცესს, მხოლოდ საპატრიარქოს ტელევიზია ”ერთსულოვნება” იღებდა. ”მასალას დავამონტაჟებთ, კომისია განიხილავს და შემდეგ გავავრცელებთ”, მეუბნება საპატრიარქოს წარმომადგენელი.
ყველა გახარებულია! მიცვალებულის ფოტოს კი ერთმანეთს მობილურით აჩვენებენ. სიხარული იმდენად დიდია, რომ ეჭვი არავის შეაქვს, იქნებ ფოტო არ არის ნამდვილი? ან ვინ გაავრცელა? როდის?
”ბრავო ასეთი რეპორტაჟისთვის ))))))) p.s. ძალიან საცოდავები ხართ”, მწერს ვინმე მარიამ ამირეჯიბი მას შემდეგ, რაც გადაცემა პოსტსკრიპტუმში ჩემი რეპორტაჟი გავიდა წმინდა გაბრიელის საფლავის გახსნის შესახებ https://www.youtube.com/watch?v=RsKZMtCV6Pg
საინტერესოა, მარიამი მცხეთაში იყო? თუ ტელევიზორთან მოკალათებულმა მხოლოდ რეპორტაჟი იხილა?
ისიც მაინტერესებს, ის და კიდევ ასობით მრევლი წმინდანის ნეშტს რომ მიყვებოდა, გარშემო მიმოიხედა? და ვერაფერი დაინახა?
No comments:
Post a Comment